中国游客评日本商家减价：他们欠我们的│张三│东洋镜

首页 >> 论坛 >> 转贴

	字体∶大中小
中国游客评日本商家减价：他们欠我们的
张三 (发表日期:2015-10-03 04:10:42 阅读人次:1530 回复数:5)
这些普通中国老百姓，能被说成是愤青或五毛或自干五或网评员嘛？　　视频：http://nextplus.nextmedia.com/news/recommend/20151002/273152 　　日本減價迎黃金週陸客：佢哋欠我哋嘅　　18,864 views │ 2015年10月02日　　十一黃金週，又係一眾強國人出門旅行掃貨嘅季節；不過大部分強國遊客終於去厭咗香港「血拼」Shopping，就算嚟都係去逼爆海洋公園。咁唔去香港去邊呢？原來轉攻日本。　　適逢今年係抗戰勝利70周年，日本方面積極向中國人……民幣投誠，唔同商鋪都出盡渾身解數吸客，成街都係簡體字海報，有啲仲會用埋普通話廣播，東京嘅商業街都瘋狂勁減「賀國慶」呀！　　成日話港女有「公主病」；而強國人不論去到邊都覺得自己打救咗當地經濟，咁樣係呼咪可以叫「恩主病」呢？訪問吓啲強國同胞點睇日本商鋪「喜迎」中國國慶，個個啲答案都嚇你一驚，有個中坑阿叔就咁講：「中國人民有錢，幹嗎呀？中國人來日本，幫助他們解決經濟困難來了，他（日本）應該感謝中國老百姓、感謝中國人民，日本人知道嗎？」　　最霸氣一定係位強國女旅客，佢哋話對日本賀中國國慶「一點感想都沒有，我們是敵人來的」俾錢敵人賺，真係心胸廣闊喇！同行又有人話日本人「應該慶祝我們的國慶」，點解？因為「他們（日本）欠我們的了啦」　　明白晒！不過都人心水清，知道日本人都係想乘機吸金，不過身體卻很誠實，一齊嚟日本做水魚。仲有人出門旅行，貪日本人咁樣討好，有晒「家鄉」感覺。　　唔好話「恩主病」好惡頂，有啲人已經進化埋做「恩主癌」喇，直言日本人「投誠」係出自尊重中國，國力強盛，超越埋日本，依家日本人都「當然覺得中國了不得了」　　常言道，沒有公主命，別有公主病，《壹》仔覺得套落「沒有恩主命，別有恩主病」都好啱。